ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ប្រធានាធិបតីអាមេរិកលោក Joe Biden គ្រោងនឹងជួបជាមួយលោក To Lam អគ្គលេខាធិការបក្សកុម្មុយនិស្តវៀតណាម

  • ចុះផ្សាយថ្ងៃទី២៣ ខែកញ្ញា ឆ្នាំ២០២៤ ម៉ោង ១១:៤១ នាទី ដោយ EAC News
  • 2012
  Aa |   aA

អន្តរជាតិ៖ ប្រធានាធិបតីអាមេរិក លោក Joe Biden ត្រូវបានគេដឹងថា លោកគ្រោងនឹងមានជំនួបជាមួយប្រធានាធិបតី និងជាប្រធានបក្សកុម្មុយនិស្តវៀតណាម លោក To Lam នៅថ្ងៃពុធ ទី២៥ ខែកញ្ញាខាងមុខ។ នេះបើតាមការចុះផ្សាយពីសារព័ត៌មាន Reuter។ 

គួរឱ្យដឹងថា ជំនួបរវាងមេដឹកនាំកំពូលនៃប្រទេសទាំងពីរអាចនឹងធ្វើឡើងនៅក្រៅមហាសន្និបាតរបស់អង្គការសហប្រជាជាតិ (UN) នៅទីក្រុង New York។

ជុំវិញការចុះផ្សាយព័ត៌មានខាងលើ នៅមិនទាន់មានការឆ្លើយតបណាមួយពីភាគីសហរដ្ឋអាមេរិក ក៏ដូចជាភាគីវៀតណាមឡើយ ខណៈកន្លងមក អ្នកនាំពាក្យក្រសួង​ការ​បរទេស​វៀតណាមក៏មិនធ្លាប់បង្ហើបអំពីជំនួបរវាងលោក To Lam ជាមួយលោក Joe Biden នៅលើទឹកដីសហរដ្ឋអាមេរិកដែរ។ គួរបញ្ជាក់ថា ប្រធានាធិបតីអាមេរិកលោក Joe Biden បានព្យាយាមបង្កើនទំនាក់ទំនងឱ្យកាន់តែស៊ីជម្រៅជាមួយជាមួយវៀតណាម ដែលជាការប្រជែងជាមួយមហាអំណាចធំចំនួន ២ផ្សេងទៀតគឺចិន និងរុស្សីដែលមានទំនាក់ទំនងការទូតយូរលង់ជាមួយប្រទេសនៅតំបន់អាស៊ីអាគ្នេយ៍នេះរួចមកហើយ។ 

គួររំឮកផងដែរថា កាលពីខែកញ្ញា ឆ្នាំ២០២៣ លោក Biden ធ្លាប់បានទៅបំពេញទស្សនកិច្ចនៅវៀតណាម និងជំរុញឱ្យមាននូវកិច្ចសហប្រតិបត្តិការការទូតជាមួយវៀតណាមឱ្យមានកម្រិតខ្ពស់ដូចទៅនឹងរុស្សី និងចិនផងដែរ។ 

បើតាមការចុះផ្សាយពីសារព័ត៌មាន Reuter ឱ្យដឹងថា ដំណើរទស្សនកិច្ចរបស់លោក To Lam ក្នុងនាមជាមេដឹកនាំកំពូលវៀតណាម លោកនឹងមានការថ្លែងសារនៅឯទីស្នាក់ការនៃអង្គការសហប្រជាជាតិ និងជួបជាមួយតំណាងសាជីវកម្មធំៗរបស់អាមេរិកមួយចំនួនដូចជាក្រុមហ៊ុន Meta និងក្រុមហ៊ុន Google ជាដើម។ ក្រៅពីនេះ លោក To Lam ក៏នឹងមានការចុះចតនៅទឹកដីប្រទេសគុយបា ដែលជាប្រទេសដៃគូ​កុម្មុយនិស្ត​ដ៏យូរអង្វែង​របស់​វៀតណាម៕


ព័ត៌មានជាច្រើនទៀតសម្រាប់អ្នក